انضم لذكاء صباعي: www.zka2soba3y.com ونادي الجينيس: www.gbc4.com. واتساب: 01157611470
مقدمة وأرباح الصفحات الأجنبية
إيه الأخبار عاملين إيه؟ ناس كتير عايزة تعمل صفحات أجنبية على فيسبوك وعايزة تعرف هي فلوسها حلوة ولا وحشة، وعايزة تعرف تشتغل إزاي، وإيه الدول اللي تقفلها ولا تفتحها، ولا تختار دول تشتغل فيها ولا تقفل دول عنها. ناس كتير مش عارفة إيه الصح!
اللي هقوله لك النهاردة ده من خلال تجربة شخصية على صفحة أجنبية. أولاً، أرباح الصفحات الأجنبية إلى حد ما كويسة، طبعاً حلوة مش وحشة. في الأول ممكن تكون شايفها أحسن من الصفحات العادية حتى، تخيل!
قبل ما نكمل، متنساش تعمل لايك وسبسكرايب وشير للفيديو ده، عايزينه يوصل لكل الناس، ولايك حلوة منك كده تحت ونكمل مع بعض.
إعدادات تحديد الدول على فيسبوك
بص يا ريس، في الأول كده على فيسبوك عندك أنا عايزك تعمل حاجة. هتدخل على أكونت فيسبوك عندك، حلو؟
طيب، لما تفتح الفيسبوك عندك، هتدخل على **الإعدادات**، حلو كده؟ في الصفحة بتاعتك، **إعدادات الصفحة**. تمام؟
أدخل عليها إزاي؟ باجي هنا على “Setting & Privacy” وبعد كده أدخل على “Settings”. بعد ما تدخل على “Settings”، هاجي هنا كده وأكتب “Countries” أو “Blocked Countries”، هو هيطلعها لك.
بص كده، هتلاقي حاجة اسمها “Country Restriction”، بص عليها كده واحفظها. اكتب بس أول حروف من “Country” هيظهر لك “Country Restriction”. بعد كده تدوس عليها. هتنزل تحت كده هتلاقي الخانة دي، آخر واحدة أهي قبل الأخيرة، هتلاقي “Country Restriction”. هتدوس عليها.
ليه بنخفي المحتوى عن دول معينة؟
بص كده، الـ “Country Restriction” دي أحسن طريقة تشتغل بيها، وأحسن طريقة جابت معايا نتيجة وانتشار كويس أوي. عايزك تفهم نقطة مهمة كده إن إحنا أولاً **هنمنع دول**، مش هنقفل مش هنفتح الدول اللي إحنا هنشتغل بيها بس. لأ، أنا هسيب العالم كله مفتوح لي، وهقفل الدول اللي الـ “CPM” أو الـ “RPM” فيها بيبقى قليل لصانع المحتوى.
ليه بنعمل كده؟ مش عايز حد يشوف المحتوى بتاعي منهم علشان ميفهمش فيسبوك إن الناس دي هي اللي موجودة عندي. وده كمان مهم جداً ليه؟
لو أنت في دولة عربية (لو أنت في المغرب أو الجزائر أو الأردن أو مصر أو السعودية) كنت بدأت عملت صفحة، وفي ناس حواليك كتير تابعوك: أصحابك، المجتمع، الناس حصلت. وأنت عمال تنزل محتوى أجنبي، كل التفاعل عمال يجيلك من نفس الناس، من دولتك أكتر. ده ليه؟ هو عمال يقرأ إن الناس اللي بتشوف الصفحة دي ناس سي مثلاً من مصر، فبيديني ناس تانية أكتر من مصر. ده إجباري!
الحل الوحيد هنا الصح إيه؟ وده اللي هيحصل معاك وهقولك هيحصل إيه بالظبط كمان.
هتعمل “Edit” هنا الأول، هتدوس “Edit”. وبعد ما تدوس “Edit” هتيجي هنا على الـ “Country”. بص كده في أوبشنين هنا مخفيين هيظهروا كمان شوية:
- “Show only to certain countries” (إظهار المحتوى لدول معينة فقط): ناس كتير منكم بتعمل كده، لكن الطريقة دي مش حلوة ومش بتجيب أعلى انتشار ولا بتجيب أعلى أرباح.
- “Hide from certain countries” (إخفاء المحتوى عن دول معينة): أنا عايزك تشتغل على دي، وهي إنك تمنع الظهور في دول معينة.
الدول اللي هنخفي المحتوى عنها
طيب، إيه الدول اللي أنا همنع فيها؟ بص، أنا هبدأ تدريجي. يعني إيه هبدأ تدريجي؟ يعني أنا هاجي دلوقتي مثلاً، أكتر دول في أفريقيا عندي فيها الـ “CPM” قليل جداً (يعني المدفوع من المعلنين قليل جداً مقارنة بسعر الدولار). تمام؟
فهاجي هنا أختار مثلاً:
- مصر (Egypt) – عشان محدش يزعل 🙂
- المغرب (Morocco)
- تونس (Tunisia) – كل دول شمال أفريقيا الـ “CPM” فيها ضعيف.
- الجزائر (Algeria)
- السودان (Sudan)
- سوريا (Syria)
طيب، أنا مش مهم عندي كل الناس دي على فكرة. أنا المهم عندي إن أنا كان عندي صفحة أجنبية كان عليها مثلاً 70-80% من التفاعل والناس اللي اشتركت فيها من الأول هم مصريين. فأنا يهمني إن أنا أحجب إن هو عمال يديني ناس مصريين بس. كل اللي بيتفاعل على البوستات بالعافية مصريين، كل بوست أنزله برضه مصريين اللي يتفاعلوا. ما هم مثلاً كانوا الـ 10 آلاف أو الـ 11 ألف أو الـ 15 ألف الموجودين في الأول على القناة. حتى لو في نسبة 20% أنا كنت عامل إعلانات وجايب ناس مثلاً من أمريكا بتكلفة عالية.
طب ليه 20% قصاد 80%؟ هيفضل يديني أكتر برضه من 80%. طب الحل هنا إيه؟ إن أنا كنت مشغل إعلانات زيادة متابعين زودتها في أمريكا وصرفت فيها شوية حتى لو جبت عدد قليل. طيب، يعني في متابعة كده من دول أجنبية. طب أنا عايز الـ 20% بس دول هم اللي يتشافوا. يعني أنا عايزه ما يشوفش أي متابعة من أي مصري كفيسبوك.
طب يحصل إيه؟ إن أنا هقفل مصر، فالـ 80% بتوع مصر خلاص مش هيظهر لهم الصفحة، فمضطرة تظهر لمين؟ للـ 20% بتوع أمريكا أو كندا أو حسب الدولة أو المكسيك أو أي دولة أنت عامل عليها أو أستراليا أو الكلام ده كله.
نتائج الاستراتيجية
في واحد هيقولي طب الدول بتاعة شرق آسيا مثلاً الـ “RPM” بتاعها ضعيف، طب مقفلها؟ لأ، أنا مش هقفلها. في دول تديني انتشار حلو مع التفاعل الأجنبي كويس. فبالعربي كده، إن أنا لو إتشفت بص هفهمك أنت إزاي أصلاً هتواجه المحتوى. إن أنا لو إتشفت في دولة أجنبية معنديش مشكلة في الأول كده كده الـ “CPM” هيبقى أكيد أعلى من دول شمال أفريقيا. وفي نفس الوقت أنا عايز بس أي تفاعل وحركة وانتشار على الصفحة عشان حتى الدول اللي أنا كنت مشغل فيها إعلانات قبل كده وهيبدأ يجي منها تفاعل، اللي هي الدول المهمة بالنسبة لي زي أمريكا وكندا وأستراليا مثلاً، فيبقى في تفاعل على المحتوى بشكل عام.
لو جربت تعمل العكس هتلاقي الموضوع سحر بطريقة غريبة. يعني جرب بقى تقول أنا مش عايز أظهر غير في أمريكا وكندا وأستراليا وإنجلترا مثلاً، وأقفل باقي الدول وأختار بقى دول بالهبل أقفلها. هتلاقي نفسك مهما عملت شهر اتنين تلاتة برضه مفيش حركة.
طب واحد هيقولي الطريقة دي لو أنت جربتها إيه النتايج بتاعتها؟ النتايج بتاعتها بالظبط إن أنت هتقعد أسبوعين تلاتة بالكتير أوي في صحرا. وبعد كده حسب دماغك وحسب مجهودك. ليه بقولك حسب دماغك وحسب مجهودك؟ إحنا عرفنا دي هنعمل إيه؟ هتختار “Hide” هنا، “Hide from certain countries”، وبعد كده هتختار الدول دي، وبعد كده هتعمل “Save”. خلاص.
المحتوى والهاشتاجات: مفتاح الاستهداف
المهم بقى واللي أنا عايز أقوله لك اللي لازم تفهمه إن المحتوى بتاعك وأنت شغال فيه هيقف بعد كده على حاجة مهمة جداً وهي أنت أصلاً **هتتارجت مين بشغلك؟** تخيل البوستات اللي أنت بتنزلها عادي كل يوم دي هي أصلاً مترجتة ناس في دول معينة بس أنت اللي مش فاهم. لازم تفهم الموضوع ده.
أنا دلوقتي لو قعدت أنزل سي كل الناس مهتمة مثلاً بالأكل والطبخ والكلام ده كله. لو أنا قعدت أنزل وصفات وأكلات من أي حاجة بدماغي، من عندي في المطبخ، من عندي في الشقة، من عند أصحابك، من صور من على النت. أنت عمال تنزل وصفات وأكلات مصرية والناس دي مش مهتمة بيها خالص نهائي. لأ، أنت هتتارجت حسب. يعني إيه؟ يعني في أكلات في دول شرق آسيا حلوة جداً ومهتمين بيها جداً والتفاعل عليها عالي جداً. لو أنت اشتغلت عليها أنت هتجيب الناس دي بالعافية، المحتوى هيروح لهم بالعافية. تمام؟
طيب، أنت لو اشتغلت على المحتوى الكندي أو الأسترالي أو الأمريكي، أنت هتجيب الناس ديت برضه بالعافية، فاهم؟ فالتارجتنج هنا هيقف عليك على حاجتين هنعملهم:
- نوع المحتوى بتاعك.
- الهاشتاجات اللي أنت هتستخدمها.
الخطوات الجاية
طيب، نبدأ مع بعض مثال النهاردة صغير. لو الحلقة دي هتكفي، أو لو إحنا بنتكلم دلوقتي، لأ الحلقة عشان مدتها متزدش عن 10 دقايق، خلينا كفاية الحلقة دي.
هنعمل الحلقة الجاية عشان تبقى حلقة دسمة كده، هوريك إزاي تجيب المحتوى بتاعهم (زي مثلاً أمريكا أو كندا أو أستراليا)، وإزاي هكتب الكونتنت بتاعهم، وهخليك تعمل كل ده بسهولة. اللي هو وأنت في تليفونك في أي حتة في أي مكان كل شوية تقعد تنزل بوستات عادي بلغتهم بطريقتهم بالمحتوى بتاعهم، بالأكلات بتاعتهم، بالتعديل البسيط على الصور اللي هيتعمل، وهعرفك تعمله إزاي.
ابدا معايا خطوة بخطوة واكتبلي كومنت لو مستني الحلقة الجاية، ومتنساش تعمل لايك للفيديو ده. متنساش متنساش! أشوفكم على خير في فيديو جديد.
انضم لذكاء صباعي: www.zka2soba3y.com ونادي الجينيس: www.gbc4.com. واتساب: 01157611470
About The Author
