اكسب دولارات من بيع فيديوهات التيك توك!

انضم لذكاء صباعي: www.zka2soba3y.com ونادي الجينيس: www.gbc4.com. واتساب: 01157611470

رابط الفيديو: https://www.youtube.com/watch?v=tr_Yjx6aewM

إيه هي خاصية الـ UGC الجديدة؟

يا جماعة، إيه حكاية خاصية الـ UGC الجديدة دي اللي التيك توك أعلن عنها رسمي؟ الخاصية دي هتبقى متاحة في الدول العربية والأجنبية وفي كل دول العالم، وحرفياً تقدر تكسب منها أرباح محترمة جداً.

بكل اختصار، الخاصية دي هي **خاصية بيع الفيديوهات**. يعني إيه؟ يعني أنت هتبدأ تعمل فيديوهات للتيك توك، وتبدأ تبيعها له وهو يشتريها منك. الموضوع ده حرفياً دلوقتي بقى هو التريند الرائج على التيك توك. مفيش صانع محتوى مبيتكلمش عنه، لأنه في 2026 يعتبر أقوى مصدر ربح، بتطلع منه أرباح محترمة جداً، ممكن تتجاوز الـ 200 و 300 دولار في اليوم بسهولة.

النهاردة أنا هشرح لك سريعا كده إيه هي الـ UGC، وإزاي تبدأ تقدم فيها. والمختصر المفيد كمان إنك مش لازم تشتغل مع التيك توك نفسه، ده أنت في أكتر من مجال تقدر تقدم فيه أو تشتغل فيه من خلال الـ UGC وتكسب منه أرباح. أنا هقول لك على تلاتة منهم تبدأ تشتغل فيهم وتطلع منهم أرباح بشكل يومي، ويعتبر مرتب ليك بالدولار.

أمثلة سريعة على الـ UGC

قبل ما نبدأ الشرح، خليني أوريك أمثلة سريعة للـ UGC عشان تفهم المعنى وتعرف إيه هو بالظبط. فيه قنوات مصرية كتير جداً، متخصصة في مجالات متعددة. بكل بساطة، أنت بتعمل قناة على التيك توك وتبدأ تعمل فيديوهات عشان تبيعها، مش عشان مشاهدات. يعني مش مطلوب منك متابعين ولا تفاعل. قناة جديدة خالص من الصفر.

تقدر تشتغل على الإنستجرام، التيك توك، اليوتيوب… أي منصة تحبها. بس الأسهل ليك إنك تشتغل على التيك توك. فيه قنوات بتشتغل بالذكاء الاصطناعي، مش مطلوب منها تظهر بوشها ولا أي حاجة، وبتبيع فيديوهاتها للتيك توك ولشركات تانية.

إيه هو الـ UGC بالظبط؟

شوقتنا يا عم تربو! عايزين نعرف بقى إيه هو الـ UGC عشان نعرف إزاي هنشتغل عليه.
بكل بساطة، الـ UGC هو إنك بتعمل فيديو لبراند معين بيطلب منك إنك تعمل له ريفيو أو مراجعة عن حاجة معينة، وتبدأ تبيع له الفيديو ده.

الفيديوهات اللي بتشوفها دي مجرد نماذج، أنت المطلوب منك تعمل زيها بالظبط. بتجيب المنتج (أو المنتج بيوصلك من الشركة)، وتبدأ تعرضه بالشكل ده. بعد كده بتدي الفيديو ده للشركة، وهي بتسوقه براحتها. أنت مش مطلوب منك غير إنك تعمل الفيديو وتديه للشركة، وبعد كده بتقبض فلوسك. الكلام ده هتعمله سواء مع التيك توك، أو مع الشركات اللي هقول لك عليها دلوقتي، أو كفريلانسر.

إزاي نبدأ نشتغل في مجال الـ UGC (بيع الفيديوهات)؟

بكل بساطة، أنت مطلوب منك دلوقتي إنك هتختار منصة من أي المنصات اللي بتحبها (تيك توك، انستجرام، يوتيوب…) وتبدأ تعمل عليها حساب، سواء حساب جديد أو قديم مش هتفرق خالص. وبعدين هتختار طريقة من الثلاثة اللي هقول لك عليهم دلوقتي وتبدأ تشتغل فيها.

الطريقة الأولى: الشغل مع التيك توك نفسه

دي أول طريقة، إنك تشتغل مع التيك توك مباشرة. هسيب لك اللينك المباشر للصفحة بتاعتهم اللي بيعلنوا فيها عن الوظيفة دي أو بيطلبوا فيها صناع المحتوى دول.
دي الصفحة الرسمية لـ “تيك توك فور بيزنس” (TikTok for Business)، اللي بتنزل عليها العروض والوظائف اللي هما عايزينها. الصفحة دي بتقول لك إنهم خلاص فتحوا موضوع الـ UGC. كل اللي مطلوب منك إنك بتسجل على الصفحة دي.

التيك توك هنا مبيطلبش منك يكون عندك متابعين أو مشاهدات. أنت بتنزل الفيديو على التيك توك عشان التيك توك ياخده ويبعته للبراند اللي أنت شغال معاه، وبعد كده التيك توك بينزل لك الأرباح بتاعتك تستلمها.

**إزاي تسجل؟**
بتيجي عند كلمة “Log In” أو “Get Started” وبتتبع الخطوات. هتفتح معاك صفحة التيك توك، بتسجل عليها بالحساب اللي هتشتغل عليه (سواء جديد أو قديم). المهم إن الحساب اللي هتنزل عليه الفيديو هو اللي بتسجله في الصفحة دي.
بعديها هيطلب منك تسمح له إنه يستعمل الفيديوهات بتاعتك ويعمل لها إيديت والكلام ده كله، وده حقهم، الفيديو اللي هتعمله هيبقى بتاعهم رسمي. يعني بكل بساطة أنت مالكش تتحكم في الفيديو ده بأي طريقة، ولا ينفع تديه لحد تاني، ولا ينفع تنشره، لأن حقوق الطبع والنشر بتاعته للتيك توك فقط.
بعدين هيطلب منك الإيميل والكود اللي وصل لك على الإيميل وهكذا. بعد التسجيل، التيك توك هيبدأ يعرض عليك شوية منتجات وشركات تبدأ تختار منها. في الأول ممكن يطلبوا منك تصور منتج عندك، ولما تاخد الثقة، هيبدأوا يبعتوا لك المنتجات الحقيقية من الشركة عشان تصورها.

الطريقة الثانية: الشغل مع مواقع عالمية متخصصة

المواقع دي متخصصة في مجال الـ UGC. بس خلي بالك، المواقع دي ممكن متخليكش تطلب المبلغ اللي أنت عايزه، هما بيحددوا المبلغ. يعني ممكن يقول لك لو هتعمل فيديو لمنتج معين لمدة 30 ثانية، بتاخد عليه 50 دولار مثلاً. أنت متتشغلش دماغك هما بياخدوا كام من الشركات، هما ممكن يكونوا واخدين 100 أو 200 دولار على الفيديو بتاعك، أنت بيبقى ليك نسبة محددة (10%، 20%، 30%، 40%). النسبة دي بتبقى قليلة، بس ميزة المواقع دي إن البراندات فيها كتير جداً، وبيجيلك إعلانات كتير بشكل يومي.

أنا جبت لك تلات مواقع النهارده، دول أشهر تلات مواقع عالميين حرفياً تقدر تسجل فيهم وتشتغل معاهم. المواقع دي بيبقى ليها شركاء رسميين عشان تضمن المصداقية، والشركاء دول بيبقى عندهم منتجات بيعملوا لها إعلانات.
المواقع دي شغالة في كل حاجة: أكل حيوانات، لبس، ألعاب، ميك اب، ملابس، سماعات، تكنولوجيا… بيقول لك “إحنا تقريباً شغالين في كل حاجة”.
المطلوب منك إنك بتسجل على الموقع من خلال كلمة “Become a Creator” (أو ما شابهها) وبتعمل حساب. بعديها على طول هيطلب منك تعمل لهم فيديو نموذج (مثلاً فيديو عن صورة براند معين وتشرحه). لو تم قبولك، بتبدأ تشتغل معاهم ويبدأوا يبعتوا لك تفاصيل المنتجات اللي هتعمل عليها إعلانات.
نفس الفكرة دي هتلاقيها في موقعين تانيين جبتهم لك. نفس الفكرة بالظبط، بتخش تعمل حساب وتبدأ تشتغل معاهم في بيع الفيديوهات أو الإعلانات للمنتجات.

الطريقة الثالثة: الشغل كفريلانسر (حر)

عشان تشتغل حر، قدامك موقعين مشهورين جداً (فيه مواقع كتير، بس اخترت دول لبساطتهم وسهولتهم وطرق الدفع).

1. **موقع UGC Masr:**
الموقع ده واحد من المواقع اللي بتدفع لك عن طريق فودافون كاش، أورانج، اتصالات، انستا باي، وحاجات تانية كتير زي باي بال. يعتبر بنسبة كبيرة موقع مصري عشان كده اسمه “UGC مصر”.
بتبدأ تعمل عليه حساب وتنزل إنك بتعمل فيديوهات أو تسويق للمنتجات.

المواقع دي برده بتطلب منك فيديو نموذج. ممكن تجيب أي منتج عندك في البيت (مثلاً قياس بن، أو أي حاجة) وتعمل عنها ريفيو، توريهم طريقتك في تسويق المنتج ده، وبعد كده هيبدأوا يبعتوا لك شغل.

2. **موقع Cola Poster:**
موقع كولا بوستر ده من أشهر المواقع حرفياً في مجال الـ UGC. ليه؟ عشان أغلب الانفلونسرز المصريين مشتركين فيه في كل المجالات، سواء الألعاب أو غيرها.
بخصوص موضوع الألعاب: طب أنا دلوقتي يا عم تربو، أنت قلت ممكن أشتغل في الأكل، اللبس، الإكسسوارات… إيه علاقة الألعاب بالموضوع؟
بكل بساطة، شركات الألعاب أو شركات الشحن بتطلب منك تعمل عندها إعلانات. يعني مثلاً لعبة بتشحن فيها يو سي (UC) أو جواهر، بتيجي تطلب منك تقول لك “أنا عندي موقع بيشحن لك هدايا في لعبة معينة”، أو اللعبة نفسها تيجي تقول لك “في حدث جديد هينزل، عايز الناس تشحن جواهر، ابدأ اعمل لهم إعلان عن الموضوع ده”. فهي نفس الفكرة بالظبط في كل المجالات، هتلاقي براندات وشركات بتكلمك. الموضوع سهل جداً.

الخلاصة والخطوات الجاية

الموضوع فيه تفاصيل كتير جداً، أنا حبيت بس أختصر الدنيا سريعا كده عشان وقت الفيديو ميطولش مننا. لكن لو حابين إني أنزل لكم فيديو عملي كامل بإذن الله عن موضوع التيك توك، أو عن أي جزء في الفيديو (سواء المرحلة الأولى، الثانية، أو الثالثة)، فاكتبوا لي في الكومنتات وإن شاء الله هنزل لك فيديو شرح كامل إزاي تشتغل على أي مرحلة من التلاتة.

ده كان فيديو النهاردة، متنساش لو عجبك الفيديو تدوس على اللايك، تشترك في القناة، تفعل زر الإشعارات، وتكتب لي رأيك في الكومنتات. وأشوفك الفيديو الجاي على خير إن شاء الله!

About The Author

Genius

See author's posts