مانوس: لاب توب افتراضي بيعمل كل حاجة

انضم لذكاء صباعي: www.zka2soba3y.com ونادي الجينيس: www.gbc4.com. واتساب: 01157611470

يا جماعة الخير، بقالنا كتير ما عملناش فيديو لليوتيوب من الاستوديو هنا. بقى لي فترة يا بعمل فيديوهات العربيات، يا بعمل فيديوهات الفلوجات اللي أغلبها بتتصور من بره. لكن الموضوع المرة دي مهم جداً، لإن عايزكم تنسوا تماماً ChatGPT أو أي أداة ذكاء صناعي بتكتب نصوص! ليه يا غيث؟

تخيلوا معايا إن في أداة مش بس بتكتب لك نص، لأ، ولا حتى بتصمم لك، ولا بتطلع لك صور أو فيديوهات. لأ، الأداة دي بتفتح لك لاب توب افتراضي، وكمان بتعمل المهام، وبتخش على الإنترنت، بتبرمج، بتصمم، بتنشر، وبتتابع حملات إعلانية. وممكن من خلالها إنك تحسن من أداء حملاتك الإعلانية. هي بتعمل لك كل ده وأنت مجرد بس قاعد بتشرب فنجان قهوة، أو زي حالاتي كده بتكون قاعد بتشرب ماته.

ده باختصار هو “مانوس” (Manos)، الأداة اللي شركة ميتا ومارك زوكربيرج دفعوا فيها 2 مليار دولار عشان يستحوذوا عليها بس! في الفيديو ده جاي أعرفكم أكتر عن مانوس. طبعاً أنا مش هعلمكم عليه، أنا لسه في فترة التعلم بتاعته، لكن هعرفكم إيه هي الأداة دي.

بتقدر في خلال 10 دقايق تعمل عليها تطبيق موبايل كامل، لأ وكمان تنشره وتتابع من خلال نفس الأداة أداء التطبيق ده. اختصاراً يا صديقي، خلونا نبدأ الفيديو وأقول لكم إن سنة 2026 مش سنة الذكاء الاصطناعي العادي، لأ، دي سنة الوكلاء المستقلين بالذكاء الاصطناعي!

إيه هو مانوس؟

إحنا في السنتين التلاتة اللي فاتوا متعودين على أدوات الذكاء الاصطناعي اللي بتسألها سؤال بتجاوبك عليه، أو بتطلب منها إنها تعمل حاجة معينة، أو تجاوبك وتديك نص معين، أو توليد لحاجة معينة، وهي بتعمله. لكن مانوس بينتمي لجيل جديد من أدوات الذكاء الاصطناعي، وهي النماذج الفعلية الكبرى. والجيل ده بنسميه إنك بتنتقل من مرحلة الكلام لمرحلة الفعل.

مانوس مش مجرد أداة ذكاء اصطناعي، مانوس ممكن تسميه منسق أو مدير مشاريع. يعني من خلال تجربتي معاه، لقيته إنك لما تطلب منه طلب معين، هو لوحده بيعمل بيئة عن طريق نظام لينوكس، لكن بشكل سحابي، وده اللي بيميزه. بيبدأ بعدها إنه يقسم المهام الكبيرة اللي أنت اديتها له لمهام صغيرة، وبيبدأ يديها لأدوات ذكاء اصطناعي أنت بتكون رابط مانوس بيها. يعني زي إنه يطلب من أداة مثلاً إنها تعمل له تصميم، أو أداة إنها تعمل له برمجة، أو أداة إنها تدور له على معلومات معينة. لكن بصراحة ومن تجربتي، لقيته بيسحب كريديت كتير، يعني محتاجين يعيدوا الدراسة في الموضوع ده بالذات.

ببساطة، أي شغل بياخد منك وقت كتير، ساعات على اللاب توب، ممكن تطلب من مانوس إنه يعمله. زي إنه يعمل لك بحث شامل، أو حتى عرض تقديمي، أو حتى إنه يقرأ لك بيانات للاكسيل، بيانات معقدة في الشيت اللي عندك. مش بس عشان يوفر عليك الوقت، لأ، ده كمان يقدر يدير جيش من أدوات الذكاء الاصطناعي اللي أنت عادةً بتستخدمها.

النهاردة إحنا بنستخدم أدوات كتير من ChatGPT و Gemini و أي حاجة ليها علاقة بتوليد الصور، توليد الفيديوهات، وكمان إدارة منصات التواصل الاجتماعي. كل ده ممكن تجمعه في مكان واحد حرفياً. كنا اتكلمنا قبل كده عن أدوات تانية بيسموها الـ AI Agent، ممكن تقول إنه نفس الحاجة تقريباً، لكن هو متطور أكتر. يعني عندك الـ Auto-GPT وعندك الأدوات اللي طلعت بعد كده عشان تقلد الـ Auto-GPT، سواء من OpenAI أو من جوجل. الأدوات دي كلها شبيهة نوعاً ما بمانوس، لكن مانوس متطور جداً، وده اللي خلى شركة ميتا تستحوذ عليه بالرقم ده.

تطبيق في 10 دقايق!

واحدة من القصص اللي اشتهرت على السوشيال ميديا الفترة اللي فاتت إن في شخص اسمه سراج رافال، قدر إنه يعمل تطبيق من مجرد فكرة بس وبرومبت قوي. قدر إنه يعمل تطبيق، لأ مش بس كده، وكمان قدر إنه ينشره على جوجل بلاي ويبدأ يتابع عمليات التنزيل وكل ده عن طريق نفس الأداة.

لأ مش بس كده، الأداة دي قدرت إنها تختبر التطبيق أول مرة وتظهر المشاكل اللي فيه وتحل المشاكل وترجع تختبره مرة تانية عشان تتأكد إن المشاكل اتحلت عن طريق محاكي للموبايل أو للأندرويد موجود في نفس الأداة. طبعاً الكلام ده كله اللي بقوله لكم هو عبارة عن حاجات مذكورة على الإنترنت. أنا بدأت إني أستخدمه، لكن زي ما اتكلمنا، بيسحب كريديت كتير. بس هو كأداة فعلاً قوية وأحلى بكتير من الأدوات أو النتائج اللي بنشوفها من الأدوات التانية.

سحر مانوس الحقيقي

سحر مانوس الحقيقي بيكمل في تعمقه بالتفاصيل والمميزات. خلونا نغوص شوية في التفاصيل اللي بتخلي مانوس أداة من كوكب تاني.

1. وضع التصميم (Design Mode)

في قلب مانوس في مساحة شغل أو بيسموها كانڤاس (Canvas). هقول لك على سبيل المثال زي إيه؟ أنت لو اديت برومبت قوي لأي أداة توليد صور وادتك الصورة، لكن لاحظت إن فيها غلط، وده وارد جداً وبنتعرض له بشكل متكرر، إيه اللي هتعمله؟ هترجع تعيد توليد الصورة من أول وجديد، تعمل لها ريفرش أو تعدل على البرومبت وترجع تديه لها. مانوس حل المشكلة عن طريق إنه اداك مساحة شغل بتقدر إنك تحدد المشكلة فين بالظبط وتديك كومنت على المشكلة دي ويحل لك المشكلة اللي أنت بتعاني منها في جزء بس من الصورة. غير إنك كمان ممكن تعدل على النصوص اللي بيولدها، وغير كده كمان ممكن تضيف اللوجو بتاعك بكل ذكاء.

2. وضع البحث الواسع (Wide Research Mode)

الميزة دي ممتازة جداً للمسوقين، اسمعوا مني. عشان كده أنا عجبتني الميزة دي. ممتازة جداً للمسوقين لإنك لما تطلب منه إنه يرشح لك عملاء محتملين أو يعمل لك بحث عن العملاء المحتملين وكمان إنه يديك تفاصيل عنهم، العملية دي بيعملها بطريقة غريبة جداً وهي إنه بيقسم نفسه لعدد العملاء وبيبدأ يديك تفاصيل عن كل عميل كأنها أداة بتشتغل لوحدها.

3. مهارات مانوس (Manos Skills)

ودي اللي أنا تهت فيها! مانوس مش هيكتفي بس بإنك أنت تكتب له برومبت طويل وبعدين هو يحاول يستكشف وبعدين تكتشف أنت إن كان فيه غلط في البرومبت وترجع تعدله ويرجع يديك نتايج تانية. لأ، هو عمل حاجة حلوة أوي وهي إنه بقى عنده إنه يديك من 10 لـ 15 سؤال يخصوا الموضوع اللي أنتم بتتكلموا فيه، يدردش معاك فيه عشان يفهم إيه اللي في بالك. بيقدر بالطريقة دي إنه يعمل لك موظف فاهم عقلك عن طريق الأسئلة اللي سألها لك وأنت جاوبته عليها. فبقى عندك موظف بيعمل مهمة معينة بناءً على الأسئلة اللي سألها لك وجاوبتها عليها.

لما حد فينا بيجيب موظف يشتغل عنده، بيعتمد على الفترة اللي هيشتغل فيها معاه عشان يفهم شغله، ممكن ياخد شهرين تلاتة لحد ما يفهم الشغل ويشتغل. لأ، هو بيحاول مباشرةً يسأل الأسئلة اللي بتخليه يفهم المهمة دي ويبدأ ينفذها مباشرةً.

على سبيل المثال، وبالذات أنتم يا جماعة الماركتنج، قربوا واسمعوا دي هتعجبكم: إنك أنت بتقدر تقول له إنه كل يوم مثلاً اتنين أو تلاتاء، أي يوم، يحلل فيديوهات المنافسين ويشوف هما مثلاً مركزين على إيه أو بيعتمدوا على إيه، وبعد كده يبعت لي تقرير مكتوب بالطريقة الفلانية. والأحلى إنه بقى ممكن تشارك المهارات دي مع فريقك، يعني ممكن تنسخ الموظف اللي عندك وتديه لأي واحد يستفيد منه، أو إنك تبيع المهارات دي. يعني أنت لو برمجت مساعد ليك كويس، ممكن إنك تعرضه على متجر المهارات الموجود في قلب مانوس.

ChatGPT ولا مانوس؟

هتقولي إيه اللي بيفرق ChatGPT العظيم عن مانوس؟ ChatGPT يا صديقي هو أداة واحدة بتحاول إنها تعمل كل حاجة. بينما مانوس هو خلينا نقول إنه “حقيبة للأدوات”. بيحط لك الأداة وبيدي كل أداة منهم الشغل اللي بيطلعها بيرفكت. يعني هو شغله يوزع المهام على مجموعة من الأدوات اللي أنت بتربطه معاها. يعني ممكن يستخدم نموذج متطور من الذكاء الاصطناعي اللي في الصين عشان يعمل حاجة بيعرف إن النموذج ده هو الأفضل إنه يعملها.

طيب، أنت دلوقتي هتسألني وتقول لي إن ده بيستخدم أحياناً الكمبيوتر بتاعي عشان يعمل مهام معينة، أو المتصفح الخاص بيا عن طريق إكستنشن أو إضافة بتضيفها للمتصفح بتاعك وبتديه إكسس إنه يعمل بعض الحاجات. طيب، هتقولي دلوقتي هو بقى له وصول للكمبيوتر بتاعي وده يعتبر خطير أكتر من اللي كانت بتعمله أدوات الذكاء الاصطناعي العادية. هقول لك لأ يا صديقي، لإن هو بيستخدم النموذج السحابي اللي اتكلموا عنه عشان يعمل المهام دي. ووصوله للمتصفح بتاعك مشروط بإن هو فقط يعرض بعض الحاجات، أو يفتح لك تابز جديدة عشان يوريك حاجات معينة ليها علاقة بالمهمة اللي أنت طلبتها منه، أو إنه ينفذ فيها المهمة اللي أنت طلبتها منه. الموضوع بيختلف على حسب إيه المهمة اللي أنت عايزها.

أخبار مانوس

زي ما اتكلمنا في بداية الفيديو، إن شركة ميتا استحوذت على مانوس بـ 2 مليار دولار أو تقريباً 2 مليار دولار عشان تدمجه أكتر مع أدواتها. لحد دلوقتي ما حصلش دمج كامل. كل اللي حصل إن مانوس لحد دلوقتي له إكسس بس بالنسبة لميتا على ميتا بزنس عشان يقدر يساعدك بتحليل إعلاناتك وتطويرها، وكمان التحكم فيها عن طريق أدوات الدردشة.

يعني دلوقتي هو مربوط تماماً مع تليجرام، كونه الربط مع تليجرام بالنسبة لوكلاء الـ AI أسهل حاجة. فهو دلوقتي مربوط مع تليجرام، مع الوعد إنه قريباً هيكون مربوط مع الواتساب عشان يكون التحكم فيه أسهل، عشان تقدر إنك أنت تديه مهمة معينة عن طريق الواتساب. بيقدر كمان هو يبعت لك التقارير اللي أنت عايزها عن طريق الواتساب. حالياً بيبعت لك إياها عن طريق التليجرام، وقريباً عن طريق الواتساب.

تقارير زي إيه؟ تقارير زي الإعلانات اللي أنت مشغلها ومديه إكسس عشان يخش يعمل لها تحليل ويديك أي رأي من عنده فيها، أو حاجة لتطويرها.

التكلفة

خلونا نتكلم عن موضوع التكلفة، ودي هي المشكلة لإنها غالية كتير صراحة. بتناسب الشركات الكبيرة أكتر، بس بالنسبة لينا كأفراد صعب. ليه؟ لإنك ممكن تطلب منه مهمة قوية ينفذها بقوة، لكن يسحب لك الكريديت كله. آه بالمناسبة، هو بيعتمد على نظام الكريديتس اللي أغلب أدوات الذكاء الاصطناعي بقت بتستخدمه دلوقتي. فأنت لو عايز تستخدمه في مهمات يومية بسيطة، في أدوات أحسن من ناحية التكلفة. أما لو عايزه للشركة عشان يشتغل معاك شغل بقوة، ممكن تبدأ تستثمر فيه من دلوقتي وتبدأ تتعلم عليه من دلوقتي وتسلمه مهام من دلوقتي.

الخلاصة

طول سنين 2023، 2024، 2025، كنا بنقول إن أفضل مهارة ممكن أي إنسان يتعلمها دلوقتي هي إنه يعرف يكتب برومبت. بينما دلوقتي لأ، بقى أفضل مهارة ممكن تتعلمها هي إنك تعرف إزاي تدير وتنسق وكلاء الـ AI، وكمان إنك تقدر تدمجهم مع بعض عشان تاخد أفضل نتيجة، زي ما عمل مانوس.

أتمنى دلوقتي إن الفيديو ده يكون وضح لكم الصورة بالنسبة لإيه هو مانوس. وكمان أتمنى تدوني رأيكم، إيه رأيكم في تكنولوجيا حلوة زي دي؟ ممكن إنها تفيدك أو ممكن إنها تكون فايدة كويسة للبشرية؟ ولا ممكن إنها تخسر بعض الناس شغلهم زي ما في ناس خايفة؟

بس تعرفوا إيه اللي بيخوف أكتر؟ اللي بيخوف أكتر إنك تكون وصلت لهنا ولسه ما عملتش لايك، وما اشتركتش في القناة، وما فعلتش زر التنبيهات! أشوفكم الفيديو الجاي.

About The Author

Genius

See author's posts