موقع جديد: 15$ للساعة بتصحيح مصري للذكاء الاصطناعي!

انضم لذكاء صباعي: www.zka2soba3y.com ونادي الجينيس: www.gbc4.com. واتساب: 01157611470

مقدمة وتحديثات مهمة لموقع Appen

طبعًا، مبروك لكل الناس اللي اشتغلوا على موقع Appen أول ما نزلته من حوالي شهر كده. أول ما نزلت الفيديو، كنا بناخد على الوحدة الواحدة للترجمة للغة المصرية أو اللغة العربية المصرية 13 سنت. حاليًا دلوقتي موقع Appen وصل المهمة دي لـ 6 دولار للساعة الواحدة! يعني كل اللي مطلوب منك إنك بتصحح اللغة بتاعة شات جي بي تي أو بتصحح اللغة المصرية للذكاء الاصطناعي، وكل ساعة بتقعدها تشتغل فيها بتاخد 6 دولار.

طبعًا الكلام ده كله أنا كنت قلته في الفيديو اللي نزلته على القناة هنا من حوالي شهر كده عن موقع Appen أول ما شرحته، وقلت لك إنك ما كانش مطلوب منك أي حاجة غير إنك تكون بتعرف تتكلم مصري زي ما بتكلم معاك كده، أو بتتكلم لغة عربية عمومًا، وتبدأ تصلح الأخطاء الإملائية بتاعة شات جي بي تي أو الذكاء الاصطناعي في اللغة المصرية، وكنت بتاخد على كل وحدة 13 سنت. الكلام دوت كان من حوالي شهر كده، ولكن حاليًا دلوقتي الموقع رفع الأجرة أو رفع الأجر بتاع العمال أو رفع الأجر بتاع المستقلين خلاه 6 دولار في الساعة الواحدة. فطبعًا ألف مبروك للناس اللي لحقوا اشتغلوا على الموقع دوت أول ما نزلته. حاليًا دلوقتي أنت بتشتغل بتاخد 6 دولار في الساعة الواحدة، يعني لو اشتغلت 10 ساعات في اليوم بتاخد 60 دولار، يعني ما يقارب حاليًا دلوقتي أكتر من 2000 وشوية أو أكتر من 3000 جنيه تقريبًا.

تحديات Appen والبحث عن البديل

بعد شهر من نزول الفيديو، بدأت الكومنتات تجي لي: “طب إحنا دخلنا على الموقع دوت يا عم تربو وبدأنا إحنا نسجل فيه وبعتنا السيرة الذاتية وكل التفاصيل دي، ولكن للأسف ما لقيناش المهمة اللي أنت كنت بتتكلم فيها، اللي هي مهمة الترجمة للغة المصرية أو اللغة العربية المصرية، موجودة في الموقع هنا”.

حاليا دلوقتي الموقع بدأ إنه ينزل لك مهام جديدة، زي مثلًا إنك تبدأ تراجع الفيديوهات اللي بيعملها الذكاء الاصطناعي، تبدأ تعمل تقييم للتواصل والكلام ده كله. وطبعًا أغلب الناس ما بتحبش الحاجات دي كلها وما بتعرفش تشتغل عليها. فـ أنا النهارده جايب لك البديل الأفضل بكتير جدًا جدًا لموقع Appen.

العملاق الجديد: Telus International (Telus Digital)

البديل دوت بيشتغل مع شركة جوجل نفسها وشركة ميتا! طبعًا شركة ميتا دي هي الشركة المسؤولة أو صاحبة الإنستجرام وصاحبة الفيسبوك وأغلب مواقع التواصل الاجتماعي. فالموقع اللي أنا جايبه لك النهارده بيشتغل مع الشركتين دول، اللي هما جوجل وميتا.

زائد كمان إن الموقع دوت لو رحنا كده بيقول لك إنك مش مطلوب منك أي حاجة خالص غير إنك تكون بتعرف تتكلم لغة عربية بس: تكون بتعرف تتكلم مصري، تعرف تكون بتتكلم سوري، تعرف تكون بتتكلم أي لغة عراقي، لبناني، أي لغة عربية. زي ما أنت شايف كده بيقول لك تكون شاملة لجميع اللهجات العربية. طبعًا أنت هتتكلم أو هتعمل تصحيح لغوي للغة بتاعة بلدك، يعني أنت لو في مصر هتعمل تصحيح لغوي للغة بتاعة بلدك. وهنا بيقول لك كمان إن الوقت أو اللي هو الأرباح اللي أنت هتاخدها هتشتغل يوميًا من خمس ساعات لثمان ساعات. طبعًا على موقع Appen كنت بتشتغل 10 ساعات، الموقع هنا لا، الموقع هنا بيقول لك إنك هتشتغل من خمسة لثمانية. لو زودت عن كده خير وبركة هتاخد أرباح أكتر، لو ما زودتش عن كده فـ أنت المطلوب منك كل يوم من خمس ساعات لثمان ساعات شغل.

بكام يا عم تربو؟ بكل بساطة بتبدأ من 3 دولار لحد 15 دولار في الساعة الواحدة! ده بيعتمد على إيه؟ طبعًا ده بيعتمد على حاجتين:

1. الدولة اللي أنت منها: طبعًا في دول أسعارها بتفرق عن دول تانية علشان استخدامات شات جي بي تي أو الذكاء الاصطناعي في كل دولة بيختلف عن الدولة التانية.
2. إجادتك للغة: أو إنك تبقى عارف صح إزاي تصلح الأخطاء اللغوية.

فبكل بساطة الموقع دوت يعتبر أفضل بكتير جدًا من موقع Appen. هشرح لك بسرعة التسجيل وإزاي تشتغل على الموقع علشان تلحق. وبعدها لك وبكررها مرة تانية: الحق اشتغل على المواقع اللي زي دي، لأن المواقع اللي زي دي بتبقى عايزة عدد معين من الأشخاص، وبعد ما يكتمل العدد خلاص المواقع دي بتقفل. يعني ممكن يقبلوا 10، ممكن يقبلوا 20، ممكن يقبلوا 100، ممكن يقبلوا 1000، 2000، ولكن بتيجي عند رقم معين وبعد كده بتشيل التاسك دوت نهائي.

وطبعًا الموقع دوت ما فيهوش مهمة واحدة زي موقع Appen للغة العربية والكلام ده كله، الموقع دوت فيه حرفيًا آلاف المهام للغة العربية في كل الدول تقريبًا. علشان كده أنا حبيت الموقع ده إنه بيديلك فرص كبيرة جدًا إنك تشتغل فيه. زي ما أنت شايف كده بيقول لك إن المهمة دي هتبقى للعربية مصر، أنت كل اللي عليك إنك هتصحح لغويًا للذكاء الاصطناعي، يعني هو لو بيكتب كلام غلط باللغة المصرية فأنت هتصحح له الجملة بس، ده فقط اللي عليك.

وطبعًا لو بدأنا إحنا ننزل تحت شوية هتلاقي حرفيًا لغات كتير جدًا. لو رحنا للصفحة اللي بعديها هتبدأ برضه إنك تلاقي حاجات كتير جدًا. وهنا هتلاقي حاجة اسمها “العالم العربي”، العالم العربي دوت بيبقى للغات العربية كلها، يعني أي حد من أي دولة عربية يقدر إنه يشتغل فيها. طبعًا هتلاقي إن مكتوب “العربي مصر” أو “العربي لبنان” أو “العربي سوريا” أو “العربي” أيًا كان الدولة اللي جنبيه أو “العربية السعودية” الكلام ده كله. لو لقيت إنه محدد لك بلد معينة اعرف إن التاسك دوت للبلد دي فقط. لو لقيت إن مكتوب “العالم العربي” تعرف إن دوت لأي حد بيتكلم لغة عربية في أي دولة عربية. وطبعًا بقى باقي اللغات والكلام ده كله، لو أنت بتعرف تتكلمها ممكن عادي جدًا تشترك في الموقع وتبدأ إنك تشتغل عليها برضه.

طبعًا الموقع اللي معانا النهارده هو موقع Telus International أو Telus Digital. الموقع دوت واحد من المواقع المعروفة جدًا في مجال الذكاء الاصطناعي أو تدريب الذكاء الاصطناعي في كل المجالات حرفيًا، يعني زي مثلًا الهندسة والدواء والتمويل وعلوم الحساب والقانون، وطبعًا اللي هو التصحيح اللغوي وكل حاجة ليها علاقة بالذكاء الاصطناعي، فالموقع هنا بيشتغل فيها. لو بدأنا ننزل تحت شوية كده، فهنا بيقول لك إن الموقع لحد دلوقتي دفع أكتر من 750 مليون دولار أمريكي للناس اللي شغالة عليه. وهنا لو نزلنا تحت شوية بيقول لك بقى إنك ممكن تعمل في أي مكان وفي أي وقت. وهنا طبعًا الوظائف اللي موجودة وعايز أقول لك إن الوظائف ممكن توصل إنك تاخد في الساعة الواحدة أكتر من 45 دولار لوظيفة معينة، يعني تبقى بتشتغل ساعة واحدة وتبدأ إنك تاخد 45 دولار، ولكن لكل مهمة أو لكل وظيفة سعر معين. وطبعًا لو نزلنا تحت شوية كده هتلاقي بقى آراء الناس اللي شغالين في الموقع هنا ومش عارف إيه وشوية أسئلة والكلام ده كله.

خطوات التسجيل السريع في Telus International

طبعًا أنا مش هطول عليك الفيديو علشان ما يبقاش الفيديو طويل عشان تلحق تروح تشتغل على الموقع. هقول لك إزاي تسجل بسرعة كده وإزاي تبدأ إنك تسحب أرباحك وإزاي تشتغل على المهمة وتقدم عليها. فبشكل سريع كده ركز معايا في الجزء اللي جاي:

1. إنشاء الحساب: المطلوب منك طبعًا إنك هتطلع في الجزء اللي فوق وهتبدأ تدوس على كلمة “تسجيل الدخول” أو “إنشاء حساب”. هيبدأ يفتح معاك الواجهة بتاعة التسجيل. طبعًا هنا بيقول لك إنك عايز تسجل عن طريق جوجل ولا تحط الإيميل بتاعك، فأنت هتبدأ إنك تشوف ممكن تحط الإيميل بتاعك أو تسجل عن طريق جوجل.
2. إدخال البيانات الأساسية: طبعًا بعديها هيبدأ إنه يطلب منك إنك تحط الإيميل مرة تانية، وتبدأ إنك طبعًا تكتب له هنا الـ “First Name” الخاص بيك، وهنا هتحط له الـ “Middle Name” أو الاسم الوسط بتاعك، والـ “Last Name” يعني الاسم الثلاثي بتاعك، وبعد كده بتدوس على كلمة “Continue”.
3. تأكيد الإيميل: طبعًا بعديها هتلاقيه إنه بعت لك رسالة على الجيميل عشان تبدأ إنك تعمل تأكيد للجيميل دوت، فهتروح تعمل تأكيد وترجع على الموقع هنا هتلاقي إن الصفحة بتاعتك اتفتحت معاك.
4. إعداد كلمة المرور: وطبعًا بعديها هيبدأ إنه يطلب منك إنك تحط الباسورد بعد ما فعلت الإيميل بتاعك وبتدوس على كلمة “Sign Up”.
5. الموافقة على الشروط: بعديها هتبدأ تستنى ثواني كده هيبدأ إنه يفتح لك بقى طبعًا هنا عشان تحفظ الإيميل والباسورد والكلام ده كله، هيبدأ إنه يفتح لك الشروط والسياسات بتاعة الموقع، هتدوس على كلمة “Agree”.
6. تعبئة المعلومات الشخصية: طبعًا هنا بيقول لك بقى إنك هتبدأ تشتغل مع الصفحة دي أو الموقع دوت. هنا بيبدأ يطلب منك بقى شوية معلومات:
   • البيزك إنفورميشن (المعلومات الأساسية): أنت من أنهي دولة؟ بتختار مصر أو أنت أي دولة أنت فيها. هنا طبعًا المدينة بتحط مثلًا إسكندرية، بتحط مطروح، بتحط أي دولة أنت موجود فيها جوه مصر أو الدولة اللي أنت فيها. وهنا طبعًا الـ “Postal Code” أو اللي هو الكود بتاع الدولة بتاعتك بتبدأ تجيبه من على جوجل وتضيفه في الجزء اللي هنا.
   • معلومات شخصية إضافية: طبعًا هنا الجزء اللي بعده برضه هيقول لك التاريخ بتاع الميلاد بتاعك، وطبعًا هنا هيقول لك المكان اللي أنت اتولدت فيه فين، وطبعًا هنا النوع بتاعك، وهيسألك على التعليم بتاعك.
   • اللغات (نقطة مهمة جدًا!): وهنا الجزء المهم جدًا بقى طبعًا هنا بيقول لك إن أنت إيه اللغة الأم بتاعتك؟ طبعًا أنت هنا هيبقى عندك كذا اختيار. أهم حاجة اللغة الأم بتبدأ إنك تختارها وهي اللغة العربية مصر. هنبدأ إن إحنا ننزل كده لحد ما نلاقي “العربي Egypt”. لو أنت من أي دولة تانية هتبدأ تختار “العربي العراق”، “العربي السعودية”، أيًا كان، تبدأ تختار “العربي Egypt” دي اللغة الأساسية بتاعتك. طبعًا لو أنت بتعرف إنجليزي أو بتعرف أي لغة تانية بتبدأ إنك تختارها وتبدأ إنك تختار طبعًا إنها تبقى يعني إيه؟ يعني خليها مثلًا “Limited Working” اللي هو إيه إن أنت يعني بتستعملها في الشغل فقط، يعني مش متقنها قوي بحيث إن حتى المهام اللي هينزلها لك ما تبقاش صعبة عليك. وبتبدأ تختار بقى اللغة الإنجليزية، بتبدأ تختار الألماني، الإسباني، أيًا كان اللغة اللي أنت عايزها بتبدأ تضيفها في الخانة اللي هنا.
7. الانتهاء من التسجيل: وبعد كده طبعًا بتجاوب على الأسئلة دي كلها وتدوس بقى على كلمة “تأكيد”.

البحث عن الوظائف والتقديم عليها

بعد ما بتدوس بقى على كلمة “تأكيد” هتلاقي الموقع فتح معاك بالواجهة دي. طبعًا أحيانًا لما بتيجي بتسجل على الموقع لأول مرة بيطلب منك إنك ترفع السيرة الذاتية بتاعتك أو السي في الخاص بيك. أنا كنت شرحت لك إزاي تعمل سي في بشكل كامل عشان تتقابل في المواقع دي، هتلاقي الفيديو ظهر لك على الشاشة دلوقتي، روح اتفرج عليه عشان تعرف إزاي تعمل سي في كويس جدًا مقبول في المواقع اللي زي دي وتقدر إنك تعدي خطوة السي في ده بسهولة. وساعات ممكن ما يطلبش منك سي في أصلًا عادي يعني بيقدم لك على طول وتبدأ تشتغل.

فطبعًا أول حاجة هتعملها إنك هتيجي عند كلمة “Find Job” (بحث عن وظيفة). نبدأ نترجم كده للغة العربية هتلاقي زي ما أنت شايف كده المهام موجودة قدامك. طبعًا أنت عندك صفحات كتير جدًا، يعني عندك صفحة واتنين وتلاتة وأربعة وخمسة، مهما فضلنا نعد في الصفحات هتلاقي إن في وظايف كتير جدًا. أنت دلوقتي كل المطلوب منك إنك بتختار أول حاجة عندك “العربية مصر”، وزي ما قلنا في أول الفيديو كده عندك “العربية العالمية”.

فأنا مثلًا هبدأ إني أختار “العربية مصر”، أنا عايز أشتغل كمصحح لغوي للغة العربية المصرية. فهنا هيبدأ يقول لك بقى إنك دلوقتي كل اللي مطلوب منك إنك هتبدأ تراجع بعض النصوص العربية علشان شات جي بي تي ساعات بيكتب كلمات عربية أو مصرية بشكل خاطئ، فأنت هتبدأ تراجع الكلام ده وتشوف هل الكلام دوت صح ولا لأ. طبعًا هنا بيقول لك:

• إنشاء الأخطاء المطبعية ومحاكاة الأخطاء.
• إنشاء الأخطاء النحوية.
• مراقبة الجودة.
• تقييم اللغة والمحتوى.

يعني أنت كل المطلوب منك إنك تشوف شات جي بي تي وهو بيتكلم مصري أو هو بيتكلم سعودي أو هو بيتكلم سوري، تشوف اللغة بتاعته أو تشوف الطريقة بتاعته في الكتابة هل هي صح ولا غلط؟ هل بيغلط في بعض المعاني أو بعض الكلمات ولا لأ؟

وطبعًا زي ما أنت شايف كده هو بيقول لك إنك هتشتغل من خمس ساعات لثمان ساعات، طبعًا أنت اللي بتختارهم زي ما أنت عايز الصبح بالليل العصر الضهر، أيًا كان الوقت اللي أنت عايزه، وتبدأ إنك تاخد على كل ساعة من 3.5 دولار لـ 15 دولار زي ما قلنا كده في بداية الفيديو، على حسب الدولة اللي أنت منها وعلى حسب طبعًا تقييمك أو على حسب شطارتك في التقييم بتاع اللغة دي. وهنا بيقول لك إن التأهل مش مطلوب منك أي حاجة غير إنك تكون بتعرف تقرا وتكتب ومجيد للغة العربية بس كده، ده المطلوب منك.

طبعًا بعديها على طول تبدأ بقى إنك تدوس على كلمة “تقدم بطلب للحصول على الوظيفة” وتبدأ إنك تتبع شوية الخطوات اللي هو هيديها لك، وبعد كده هيبعتوا لك رسالة على الجيميل إنك اتقابلت في الوظيفة دي، وبكده يكون مبروك عليك إنك اشتغلت في الموقع هنا.

طبعًا أنا مش عايز أطول عليك وقت الفيديو أكتر من كده. لو حابين إني أنزل لكم جزء تاني إزاي بقى تقدم على الوظيفة وإزاي تتقابل عليها ونعدي الخطوات دي كلها لحد ما نوصل للشغل الأساسي بتاعنا ونستلم منه أرباح، اكتبوا لي في الكومنتات وإن شاء الله هعمل لكم جزء تاني. النهارده كده خشوا اشتغلوا على الموقع، حاولوا تسجلوا عليه وحاولوا تقدموا للوظيفة علشان لو الوظيفة تقدم عليها عدد كبير جدًا، صدقني مش هتلحق مكانك زي موقع Appen كده. فدوت كان فيديو النهارده، ما تنساش بقى لو عايزين الجزء التاني اكتبوا لي في الكومنتات وإن شاء الله يعني هشتغل على الجزء التاني بسرعة وأنزل لكم الجزء التاني، وإن شاء الله هعمل لكم الفيديو بتاع التيك توك الجزء التاني اللي هو الربح منه عن طريق طبعًا اللي هو الـ UGC اللي إحنا كنا اتكلمنا عنه، هعمل لكم الجزء التاني قريب جدًا بإذن الله. فدوت كان فيديو النهارده، ما تنساش بقى اللايك، تشترك في القناة، تفعل زر الإشعارات، وأشوفك الفيديو الجاي على خير.

About The Author

Genius

See author's posts