Lavu AI: كود احترافي وقاعدة بيانات ببلاش!

مقدمة وأهمية Lavu AI

السلام عليكم ورحمة الله وبركاته، ازيكم يا شباب عاملين إيه؟ الحقيقة أداة Lavu AI من أكتر الأدوات اللي أنا بحترمها جدًا. على فكرة أنا مش بعمل لها إعلان، أنا لو في إعلان هقول لكم إن أنا بعمل إعلان، بس أنا يعني قناتي صغيرة فمش بيجي لي إعلانات. أنا بكلمكم عليها لأنها فعلًا كويسة ومميزة.

ليه Lavu AI أداة قوية ومفيدة؟

تكامل (Integration): فيها إمكانيات تكامل مفيدة جدًا.
ربط بقاعدة بيانات (Database Connection): بتديك القدرة على ربط مشروعك بقاعدة بيانات خاصة بيه، وده بيديك تحكم كامل في مشروعك، سواء كان موقع ويب أو تطبيق ويب.
توثيق وتسجيل دخول (Authentication): بتسمح لك تعمل ميزة تسجيل الدخول أو تسجيل حساب للمستخدمين، سواء باستخدام جوجل أو الإيميل.
رصيد يومي مجاني (Daily Credits): بتديلك 5 كريديت يوميًا بيتجددوا، والخمسة دول كتير على فكرة! ممكن تعمل بيهم مشروع كويس جدًا. ولو ما كملتش مشروعك، بيفضل محفوظ عندك في الداشبورد بتاعك وتقدر تكمله تاني يوم لما الكريديت تتجدد.
تستخدم Claude Opus 4.5: ودي أهم نقطة! الأداة دي بتستخدم Claude Opus 4.5، وهو أفضل نموذج ذكاء اصطناعي حاليًا في العالم في كتابة الكود. يعني الكود اللي بيطلعلك احترافي وبدون أخطاء.

فكرة مشروعنا النهاردة: تطبيق لتغيير ألوان الديكور

يمكن أكتر من حد كان سألني إيه أكتر أداة تقدر تعمل لنا مشاريع كبيرة، وبصراحة جاوبت له وقلت له Lavu AI هي أحسن أداة فيها كل حاجة وتقدر تعمل لك مشاريع كبيرة. النهاردة هنعمل مشروع ظريف جدًا، موقع ويب كده فكرته جديدة وحلوة وممكن يبقى عليه إقبال جامد، خصوصًا الناس اللي بيبنوا بيوت، بيجهزوا شققهم، أو لهم مهندس ديكور.

إيه هو المشروع باختصار؟

المشروع ده عبارة عن موقع أو تطبيق ويب يسمح للمستخدم إنه يرفع صورة للبيت بتاعه ويبتدي يغير الألوان. يعني، لو عايز تغير ألوان البيت بتاعك ومحتار تختار لون إيه، وخايف تختار لون ويطلع الشكل مش حلو، فبتقدر ترفع صورة البيت بتاعك وتغير الألوان بتاعته عشان تشوفها. لو عجبتك، بتبتدي تغير الألوان دي على الواقع. ولو ما عجبتكش، بتجرب ألوان تانية لغاية ما تشوف لون مناسب للشقة بتاعتك ويكون كمان مناسب للديكور أو العفش أو الأساس اللي عندك.

كمان ممكن نغير ألوان الأساس! يعني لو عايز تجيب صالون بألوان تانية وعايز تشوفه هيمشي مع ألوان الحوائط والجدران وكده، فتقدر تعمل كل ده. الهدف إنك لما تيجي تنفذ في الواقع تبقى عارف الشكل هيبقى عامل إزاي، وتبقى عارف إن الشكل ده هيبقى عاجبك.

خطوات بناء المشروع على Lavu AI

أنا طبعًا قلت الأفكار دي للشات جي بي تي وعملها لي بشكل برومبت كويس جدًا، وهسيب لكم البرومبت في أول تعليق مثبت.

الخطوات العملية لاستخدام Lavu AI:

تسجيل الدخول: بتدخل على موقع Lavu AI وبتعمل تسجيل دخول بحسابك في جوجل. بعد ما بتسجل دخول، بيديلك على طول الكريديت وبتدخل على الصفحة الرئيسية.
إدخال البرومبت: هتيجي هنا عند الشات جي بي تي، تاخد نسخ للبرومبت اللي عايز المشروع يعملهولك، وتحطه في المكان المخصص في Lavu AI وتضغط “انتر”.
متابعة البناء: الموقع هيبدأ يعمل “سنكنج” ويبني المشروع بتاعك. لو بصينا فوق، هتلاقي فيه:
- Preview (البريفيو): عشان تشوف شكل التطبيق وهو بيتبني.
- Code (الكود): عشان تشوف الكود اللي اتكتب.
- Cloud (الكلاود): ودي قاعدة البيانات بتاعتنا. في الأول مش هتلاقي فيها حاجة، لسه بتفتح بعد كده.
تفعيل Lavu Cloud: بعد ما بيخلص، بيحتاج إنك تفعل Lavu Cloud. بتضغط على أيقونة “الكلاود” وتعمل “Enable Cloud”.
رؤية المشروع: بعد التفعيل، بيكمل بناء، وتقدر تشوف المشروع بالشكل النهائي.

تجربة التطبيق العملي: تغيير ألوان البيت والديكور

دلوقتي المشروع خلص، تعالوا نشوفه ونطبق عليه كده، ونكبر الصفحة. التطبيق ده على فكرة ممكن تعمله كموقع خدمي على الإنترنت وترفعه وممكن تربح منه، لأن أي حد عايز يغير ديكورات الشقة بتاعته ممكن يدخل يشوف قبل ما يغير بحيث يبقى عارف هو هيعمل إيه والشكل هيبقى عامل إزاي.

مثال 1: تغيير لون واجهة بيت خارجي

تعالى نجرب نرفع صورة بيت (ربنا يوعدنا ببيوت زي كده!). هنرفع صورة البيت ده مثلًا، ونفترض إنك عايز تغير الألوان بتاعته من بره. بعد ما رفعت الصورة، لو نزلت لتحت شوية هتلاقي الخيارات دي:

الخيار	الوصف
الجدران فقط	لتغيير ألوان الحوائط (لو بتصور من بره أو من جوه).
الأساس فقط	لتغيير ألوان الأثاث (الصالون، السفرة، إلخ).
كلاهما	لتغيير الجدران والأثاث معًا.
الحائط الرئيسي / الحوائط الجانبية	تختار عايز تغير الحائط الرئيسي بس ولا الحوائط الجانبية كمان.
إضافة عناصر جديدة	تقدر تضيف كرسي، تلفزيون، نباتات، سجادة، لوحة، أو أي حاجة تانية تكتبها له.
الألوان	تختار اللون اللي عايز تغير بيه.

في مثالنا ده، هنختار “الجدران فقط” و”الحوائط الرئيسية”. وهنختار اللون الأحمر مثلًا. بعد كده بنعمل “تحويل الصورة”.

هيجبلك “قبل وبعد”. بصراحة، الشكل بعد ما ضاف اللون الأحمر في الجدران بقى حلو جدًا، وكمان تحس إن الجودة كمان بقت عالية! الجودة قبل كانت سيئة، وهو علّالنا الجودة بتاعتها. لو عجبتك، بتعمل “تحميل الصورة النهائية” وبيقولك “تم التحميل”.

مثال 2: تغيير ألوان الأثاث وإضافة عناصر داخلية

هنعمل ريفريش عشان نبدأ من جديد، ونيجي نرفع صورة فيها أساس (زي سفرة وحوائط وسجاجيد). في اليمين هتلاقي خيارات إضافية:

خيارات إضافية للتحكم في الصورة:

الإضاءة الأصلية: عايز تحتفظ بالإضاءة الموجودة في الصورة ولا تغيرها (تعلّي الإضاءة).
وضع الإضاءة: تختار نهاري أو ليلي عشان تشوف الشكل بالنهار أو بالليل.
شكل السقف: تفعله أو تقفله.
درجة الواقعية: تقدر تغير في الظلال، الواقعية، وجود الدمج.

المرة دي، أنا هختار “الأساس فقط” لأن عايز أغير الأساس. وهحدد الكنبة والكرسي والستارة. وكمان هنضيف عناصر زي كرسي، تلفزيون، لوحة فنية، ومصباح أرضي. وهنختار اللون الأحمر تاني ونعمل “تحويل الصورة”.

هتلاقي الموقع غير لون الكنبة للون الأحمر، وضاف الستارة، واللوحة، وشاشة التلفزيون، والزهرية اللي قلت له عليها. عملها بشكل كويس جدًا! التطبيق ده ينفع لبتوع الديكور عشان يقعدوا يجيبوا مطابخ، يغيروا فيها، يجيبوا شقق، يغيروا الجدران، الألوان، الأساس، ويشوفوا الأساس اللي يتناسب معاهم والألوان وكده. فبيبقى تطبيق حلو جدًا.

الموقع كمان بيجيبلك “قبل وبعد” بتقدر تشوف الفرق، وتقدر تحمل الصورة النهائية. في خيارات تانية زي القص (تقص جزء معين)، والتنظيف (إزالة الخلفيات)، وقوالب جاهزة ممكن تطلب من الموقع يضيفها لك.

إدارة قاعدة البيانات وتسجيل الدخول (Cloud & Authentication)

فاكرين قسم “الكلاود” اللي قلنا عليه؟ دلوقتي بقى اتفعل. لو جينا هنا دخلنا على الكلاود، هتلاقي فيه “Database” و”Users”.

إدارة المستخدمين وتسجيل الدخول:

Users: تقدر تحدد مين يقدر يستخدم الموقع ده.
Authentication Settings: من هنا بتقدر تحدد طريقة تسجيل الدخول للمستخدمين:
- بالإيميل: بتفعلها. ولو عايز يجي له رسالة تفعيل على الإيميل عشان يتأكد من الحساب، بتفعل “Auto-confirm Email”.
- برقم التليفون.
- بحساب جوجل: بتفعلها.
خطط الاشتراك: لو عايز تعمل الموقع باشتراك مدفوع، بحيث اللي يدفع بس هو اللي يقدر يستخدم كل المميزات، بتقدر تعمل كده.

يعني Lavu AI بتديلك قاعدة بيانات محترمة جدًا وفيها كمان إمكانيات الأوثنتيكيشن (تسجيل الدخول وإنشاء حساب) فعشان كده بقولكم Lavu AI أنا مش بعملها دعاية، أنا قناتي صغيرة يعني ما بيجيليش إعلانات، بكرر الكلام تاني عشان ما تفتكروش إني بعمل كده عشان إعلان أو حاجة، لا، بس هي فعلًا أداة قوية جدًا.

الخلاصة

زي ما شفتوا، Lavu AI أداة قوية جدًا وكفاية إنها بتستخدم Claude Opus 4.5، وهي دايماً على فكرة بتستخدم أقوى النماذج. قبل Claude Opus 4.5 كانت بتستخدم Claude Sonnet 4.5. يعني دايماً بتستخدم أقوى نماذج في كتابة الكود.

هسيب لكم بقى رابط الأداة دي في الديسكربشن (الوصف)، وبتمنى الفيديو يكون عجبكم وبشكركم على المشاهدة. والسلام عليكم ورحمة الله وبركاته.

انضم لذكاء صباعي: www.zka2soba3y.com ونادي الجينيس: www.gbc4.com. واتساب: 01157611470